Үйлчилгээний нөхцөл

1. Ерөнхий зүйл

1.1. Энэхүү үйлчилгээний нөхцөл нь “Эйрлинк Монголиа” ХХК-аас хэрэглэгч таны тодорхой мэдээллийг хүлээн авах, хадгалах, уг нөхцөлд заасан зорилгоор ашиглах, улмаар худалдан авсан тийзийн төлбөр төлөх үйлчилгээний эрхийг олгох эрх зүйн үр дагавар бүхий хэлцэл болно.

1.2. 18 нас хүрсэн, Монгол Улсын иргэн нь үйлчилгээний нөхцөлийг хүлээн зөвшөөрч AIRLINK.MN-д нэвтэрснээр уг гэрээ хүчин төгөлдөр болно.

1.3. “AIRLINK.MN” онгоцны тийз захиалгын аппликейшн/вэб сайт дээр байршуулсан бүхий л мэдээлэл болон контентууд нь “Эйрлинк Монголиа” ХХК-ийн хуулиар хамгаалагдсан, оюуны өмчөөр баталгаажсан өмч болно.

1.4. “AIRLINK.MN” онгоцны тийз захиалгын аппликейшн/вэб сайт дээр байршуулсан бүхий л мэдээлэл болон контентууд дээр байршиж буй лого, график дизайн, таних тэмдэг зэргийг хуулбарлах, дуурайх, өөрчилж ижил төсөөтэйгөөр ашиглахыг хориглоно.

2. Үйлчлүүлэгчийн эрх, үүрэг

2.1. Үйлчлүүлэгч нь нислэгийн мэдээлэл авах, өөрийн захиалгын мэдээллийг оруулах эрхтэй.

2.2. AIRLINK.MN-ийг ашиглаж буй хэрэглэгч нь 18 нас хүрсэн, хуулийн этгээд байх үүрэг хүлээнэ.

2.3. Үйлчлүүлэгч нь тийз захиалахад шаардлагатай мэдээллийг /Овог, Нэр, Хүйс, Утасны дугаар, Паспортын мэдээлэл, Имэйл хаяг/ үнэн зөв оруулах үүрэгтэй. Үйлчлүүлэгч уг мэдээллийг алдаатай, дутуу оруулсан бол AIRLINK.MN хариуцлага хүлээхгүй.

2.4. Үйлчлүүлэгчийн гадаад паспортын дуусах хугацаа зорчигчийн нисэх өдрөөс хойш хамгийн багадаа 6 сар буюу 185 хоногийн хугацаанд хүчинтэй байх үүрэг хүлээнэ.

2.5. Үйлчлүүлэгч нь зорчиж буй орныхоо визтэй холбоотой бүхий л асуудлыг хариуцах үүрэг хүлээнэ.

2.6. Үйлчлүүлэгч нь тийз захиалснаас хойш системээс өөрт өгсөн хүчинтэй хугацааны дотор тийзийг худалдан авах үүрэг хүлээнэ.

2.7. Үйлчлүүлэгч нь AIRLINK.MN-ээс тийз худалдан авахаас өмнө тухайн тийзийн дүрэм болох буцаалт, өдөр өөрчлөлт, онгоцноос хоцрох зэрэг нөхцөлүүдтэй сайтар танилцан зөвшөөрсөн байх үүрэг хүлээнэ.

2.8. Үйлчлүүлэгч нь худалдан авсан тийзийнхээ дүрмийн дагуу буцаах болон өдрөө өөрчлөх үүрэгтэй.

3. AIRLINK.MN-ийн эрх, үүрэг

3.1. AIRLINK.MN нь үйлчлүүлэгчид үнэн бодит, зах зээлд өрсөлдөхүйц үнээр нислэгийн тийз борлуулах үүрэг хүлээнэ.

3.2. AIRLINK.MN нь үйлчлүүлэгч рүү холбогдож мэдээлэл өгөх, төлөгдөөгүй төлбөрийг шаардах, төлбөр нь төлөгдөөгүй захиалгыг цуцлах эрхтэй.

3.3. AIRLINK.MN нь үйлчлүүлэгчийн хувийн мэдээлэл, нууц үг, худалдан авалтын түүхийг хадгалах үүрэг хүлээнэ.

3.4. AIRLINK.MN нь үйлчлүүлэгчийн Дебит/Кредит карт, бэлэн мөнгө, дансны гүйлгээг луйврын шинжтэй байгаа гэж үзсэн тохиолдолд Банк болон Хуулийн байгууллагаар тус гүйлгээг шалгуулах эрхтэй.

3.5. AIRLINK.MN нь үйлчлүүлэгчийн хүсэлтийн дагуу буцаалт болон өдөр өөрчлөлтийг хийх үүрэгтэй.

4. Төлбөрийн нөхцөл

4.1. Үйлчлүүлэгч нь AIRLINK.MN-ээс тийз худалдан авахдаа төлбөрийн хэрэгслээс өөрт таалагдсаныг сонгон төлбөрөө төлөх боломжтой.

4.2. Үйлчлүүлэгч нь тийзийн төлбөрөө заагдсан хугацаанд төлөөгүй бол AIRLINK.MN-ээс захиалгыг цуцална.

4.3. Тийз захиалгын системийн Валютын ханш өдөр бүр өөрчлөгддөг тул төлбөр хийх хугацаанаас хамаарч тийзийн үнэ хэлбэлзэх учир өөрчлөгдөх магадлалтай.

4.4. AIRLINK.MN дээр гарч буй үнийн дүн нь тийз худалдан авч байгаа нийт зорчигчдийн тийзийн үнийн дүн байна.

5. Захиалга /тийз буцаалт, өдөр өөрчлөх нөхцөл/

5.1. Захиалга нь төлбөр төлөгдсөний дараа баталгаажих бөгөөд төлбөр төлөгдөөгүй захиалгыг заагдсан хугацааны дагуу AIRLINK.MN автоматаар цуцлана.

5.2. Монгол Улсын 18-аас доош насны иргэн эцэг эх, хууль ёсны асран хамгаалагчаас өөр хүнтэй гадаад улсад зорчих бол эцэг эх, хууль ёсны асран хамгаалагч хүүхдийн хамт хилээр нэвтрэх иргэний хооронд хийсэн нотариатаар гэрчлүүлсэн итгэмжлэл шаардлагатай учир уг заалтыг зөрчсөн тийзийн төлбөрийн маргаанд AIRLINK.MN хариуцлага хүлээхгүй.

6. Бусад нөхцөл

6.1. Эйрлайн буюу нислэг үйлдэж буй авиа компани нь Цаг агаар болон бусад давагдашгүй хүчин зүйлийн улмаас нислэгийг цуцлах/хойшлуулах эрхтэй бөгөөд үүнд AIRLINK.MN хариуцлага хүлээхгүй.

7. Маргаан шийдвэрлэх

7.1. Энэхүү гэрээтэй холбогдон гарч болзошгүй бүх санал зөрөлдөөн, маргааныг харилцан зөвшилцөх замаар шийдвэрлэнэ. Санал зөрөлдөөн, маргааныг зөвшилцөөнөөр шийдвэрлэж чадахгүй тохиолдолд Монгол Улсын хууль тогтоомжийн дагуу маргааныг эцэслэн шийдвэрлүүлнэ.