БНХАУ-ыг зорих иргэдийн анхааралд: Хилээр нэвтрэх хуудсыг ОНЛАЙНААР бөглөх боломжтой боллоо

БНХАУ-ыг зорих иргэдийн анхааралд: Хилээр нэвтрэх хуудсыг ОНЛАЙНААР бөглөх боломжтой боллоо

БНХАУ-ын Үндэсний Цагаачлалын газраас гадаадын иргэдийн хилээр нэвтрэх үйл явцыг хөнгөвчлөх, шалган нэвтрүүлэх хурдыг сайжруулах зорилгоор "Хилээр нэвтрэх хуудас"-ыг цахимаар урьдчилан мэдүүлэх шийдлийг улс даяар хэрэгжүүлж эхэллээ.

📅 Хэрэгжиж эхлэх хугацаа: 2025 оны 11 дүгээр сарын 20-ны өдрөөс

Та БНХАУ-ын хилээр нэвтрэхээсээ өмнө дараах сувгуудыг ашиглан мэдээллээ цахимаар бөглөх боломжтой:

• БНХАУ-ын Үндэсний Цагаачлалын Газрын (NIA) албан ёсны вебсайт
• Төрийн үйлчилгээний платформ
• "Immigration 12367" аппликейшн
• WeChat болон Alipay (Mini program)
• Гар утасны QR код уншигч
• Хил дээрх ухаалаг төхөөрөмжүүд

💡 Санамж: Хэрэв та цахимаар бөглөх боломжгүй бол хил дээр очсоныхоо дараа цаасан маягтыг уламжлалт аргаар бөглөх боломж нээлттэй хэвээр байна.

Хэн бөглөх ШААРДЛАГАГҮЙ вэ?
Дараах 7 төрлийн нөхцөлийг хангасан иргэд хилээр нэвтрэх хуудас (онлайн болон цаасан) бөглөх шаардлагагүй:

1. БНХАУ-д байнга оршин суух үнэмлэхтэй гадаадын иргэд;
2. Эх газрын зорчих үнэмлэх бүхий Хонконг, Макаогийн иргэд (Хятад иргэн биш);
3. Групп визтэй болон бүлгээр визгүй зорчиж буй иргэд;
4. Хилийн бүсээс гарахгүйгээр 24 цагийн дотор шууд транзит хийх зорчигчид;
5. Далайн аяллын хөлөг онгоцоор ирээд, тухайн хөлгөөрөө буцах зорчигчид;
6. Хилийн автомат гарц (E-channel)-аар нэвтэрч буй иргэд;
7. Олон улсын тээврийн хэрэгслийн гадаад иргэншилтэй багийн гишүүд (нисэх онгоц, галт тэрэг, усан онгоцны ажилчид гэх мэт).

Тусламж, мэдээлэл авах:
Хилээр нэвтрэх явцад асуудал гарвал та тухайн боомт дээр ажиллаж буй цагаачлалын албаны ажилтанд хандах эсвэл (+86) 12367 тусгай дугаарт холбогдож зөвлөгөө авах боломжтой.