Энэ зун гэр бүлээрээ Бээжин хотоор аялахад тохиромжтой газрууд

Мутианью дахь Цагаан хэрэм

6437 км зайд тархсан Хятадын сүрлэг цагаан хэрэм олон зууны турш хүмүүсийн сонирхлыг татсаар ирсэн билээ. Уг хэрэм нь Чин гүрний үед Монголын босогчдоос хамгаалах зорилгоор барьсан гэж үздэг. Бээжингийн эргэн тойронд гайхамшигт архитектуруудыг үзэх хэд хэдэн барилгууд байдаг ч Мутианю дахь Цагаан хэрэм нь яах аргагүй үзэх үзвэрүүдийн нэг юм.

Тэр хавьд нь хооллох цэгүүд хязгаарлагдмал тул та өөрийн хоол, ундаагаа авч явахыг зөвлөж байна. Аялал жуулчлалын хамгийн тохиромжтой үе бол 5-р сараас 6-р сар эсвэл 9-р сараас 10-р сар хүртэл юм.

Цагийн хуваарь: 8:30 - 17:00 (ажлын өдрүүдэд), 8:30 - 17:30 (Амралтын өдрүүд)

Нэвтрэх хураамж: 40 юань

Хятадын эзэнт гүрний бэлгэ тэмдэг болох Хориотой хот

Хориотой хот нь Хятадыг захирч байсан тухайн цаг үеийн чинээлэг эрх мэдэлтнүүдийн хот юм. Тус газар нь Францын Луйврийн музэй-ээс гурав дахин том билээ.

ЮНЕСКО-гийн Дэлхийн өвд Мин, Чин гүрний үеийн Хятадын 24 эзэн хаад амьдардаг байснаараа түүхэнд бичигдсэн байдаг. Эзэн хаан болон түүний харьяат хүмүүсийг 1925 он хүртэл энэ газарт байлгахыг зөвшөөрч байсан бөгөөд үүний дараагаар сүүлчийн эзэн хаан суудлаасаа бууснаар музей болж хувирсан түүхтэй. Сүрлэг танхим, хана хэрэм нь Хятадын эртний соёлыг санагдуулам юм.

Үзэсгэлэнт газрыг үзэхэд, дор хаяж хоёр цаг шаардагдана. Тасалбараа онлайнаар захиалаарай гэж зөвлөж байна.

Цагийн хуваарь: 8:30 - 17:00 (4-р сараас 10-р сар хүртэл); 8:30 - 16:30 (11-р сараас 3-р сар хүртэл)

Нэвтрэх хураамж: 60 юань (4-р сараас 10-р сар хүртэл), 40 юань (11-р сараас 3-р сар хүртэл)

Бэйхай цэцэрлэгт хүрээлэнгийн завьтай аялал

Бээжингийн хамгийн том цэцэрлэгт хүрээлэн буюу хуучин эзэн хааны цэцэрлэгт хүрээлэн болох Бэйхай нь хэд хэдэн аяллын үйлчилгээтэй. Хамгийн үзүүштэй нь цэцэрлэгт хүрээлэнгийн яг гадаа байрлах Хухай нуурын усан онгоцоор нэг цагийн турш үргэлжлэх аялал юм. Хятадын уламжлалт сүйх тэрэг нь завьчинтайгаа хамт ирдэг бөгөөд таныг Бадамлянхуан зах, Цянхай дүүрэг, Индингийн гүүр, Хухай бүсээр дамжуулан үзвэрүүдийг үзүүлдэг.

Ардын Пипа тоглолтыг үзэж, хөнгөн зууш идэж байхдаа нутгийн оршин суугчид болон тэдний амьдралын хэв маягийг ажиглангаа алжаалаа тайлаарай гэж зөвлөж байна. Мөн цэцэрлэгт хүрээлэнд байрлах Буддын шашны сүмүүдэд зочилж болно. Бусад үзвэрүүд нь Есөн луу дэлгэц, 5 лууны павильон, цагаан бумба юм.

Цагийн хуваарь: 06:00 - 09:00

Нэвтрэх хураамж: 10 юань – 20 юань

Бээжингийн хамгийн алдартай газруудын нэг болох 798 урлагийн дүүрэг

Хотын хөгжил, орчин үеийн соёлыг судлахыг хүсэж буй урлаг, соёл, загварын сонирхогчид 798 урлагийн дүүргээр заавал зочлоорой. Хотын төвөөс 30 минутын зайд орших энэ газар нэгэн цагт Германы мэргэжилтнүүдээр бүтээгдсэн газар юм. Тус газар нь өвөрмөц урлагийн үзэсгэлэнгүүд болон семинар, уулзалтын төвүүд болж өөрчлөгдсөн билээ. Энд олон тооны гоёмсог интерьер бүхий кафе, номын дэлгүүр, нэрийн дэлгүүр, урлагийн галерейнууд байрлаж байна,

Цагийн хуваарь: 09:00 - 18:00

Нэвтрэх хураамж: Үнэ төлбөргүй

Гайхамшигтай Бээжингийн үндэсний цэнгэлдэх хүрээлэн "шувууны үүр"

2008 оны Зуны Олимпын наадмын үеэр баригдсан "шувууны үүр" гэж нэрлэгддэг гайхалтай цэнгэлдэх хүрээлэн нь инженерчлэлийн гайхамшиг юм. Түүний нарийн төвөгтэй атлаа сэтгэл татам хэлбэр нь Хятад маягийн "галзуу ваар"-аас санаа авсан бөгөөд гадна бүрхүүл нь дэлхийн хамгийн том ган бүтэцтэй архитектур юм.

Олимпын дараа тус цэнгэлдэх хүрээлэнг хөнгөн атлетикийн тэмцээн, хөлбөмбөгийн тоглолт, концерт зэрэгт ашигладаг болсон. Хэрэв та хотод анх удаа ирж байгаа бол энэ газрыг орхиж болохгүй шүү.

Цагийн хуваарь: 09:00 - 14:30 (4-р сараас 10-р сар хүртэл)

Нэвтрэх хураамж: 50 юань

Губэй усан хотхонд очиж романтик зугаалга хийгээрэй

Бээжингийн хамгийн алдартай аялал жуулчлалын бүсүүдийн нэг болох үзэсгэлэнт уулс, эртний тосгон, нууруудаараа гайхагддаг газар бол Губэй усан хотхон юм. Шар гэрлээр бүрхэгдсэн өвөрмөц архитектур, зөөлөн ауратай Губэй усан хотхон бол романтик зугаалга хийхэд тохиромжтой газруудын нэг юм. Зочид буудлуудын халуун рашаанд амрах, усан онгоцоор зугаалах эсвэл архины үйлдвэрүүдээр зочлон Хятад дарснуудыг амтлаарай. Адал явдалд дурлагсад хотын хажууд байрлах Симатай цагаан хэрэм өөд авирч, тус газрыг бүхэлд нь шувууны нүдээр харах боломжтой юм.

Энэ хотод бас олон гайхалтай ресторанууд байдаг. Амталсан өндөг, хуушуур, банш, шарсан гахайн мах гэх мэт орон нутгийн амттаныг амтлахын тулд бид Great Wall баараар саатахыг танд зөвлөж байна.

Нэвтрэх хураамж: 150 юань (зөвхөн Губэй), 170 юань (Симатай, Губэйгийн хосолсон тасалбар)

---

Хэрвээ аялахыг хүсэж байгаа бол танд доорх урамшуулалтай нислэгийн тийзийг санал болгож байна.

МИАТ авиа компани 5 сарын 15 - 7 сарын 31 хүртэл 🇲🇳 УБ - 🇨🇳 Бээжин - 🇲🇳УБ чиглэлдээ гэр бүлийн онцгой урамшуулал зарлаж байна.

Урамшуулал
1.🎁 | 23кг + 23кг нэмэлт тээш тээвэрлэх
2.🎁 | 2 - 16 насны хүүхэд үнэ төлбөргүй зорчих (Зөвхөн такс төлнө)

Нислэгийн үнэ
2 талдаа | 1,308,500₮

---

ТИЙЗ ЗАХИАЛГЫН ХӨТӨЧ 🎟👇