Korean Air 9 дэх жилдээ "Таван одтой" зэрэглэлээ бататгаж, "Шилдэг бүхээгийн үйлчилгээ"-гээр шалгарлаа

Korean Air, ес дэх жилдээ "Таван одтой" зэрэглэлээ бататгаж, "Шилдэг бүхээгийн үйлчилгээ"-гээр шалгарлаа.

Korean Air компани нь Зорчигчдын Үйлчилгээний Нэгдсэн Холбооноос (APEX) есөн жил дараалан "Дэлхийн таван одтой агаарын тээврийн компани" хэмээх нэр хүндтэй зэрэглэлээ хадгаллаа. Түүнчлэн, дэлхийн жишигт нийцсэн үйлчилгээгээрээ үнэлэгдэн "APEX Best Awards 2026" наадмын "Шилдэг бүхээгийн үйлчилгээ" шагналын эзэн боллоо.

APEX-ийн шагналыг зөвхөн зорчигчдын бодит санал, үнэлгээнд үндэслэн олгодог бөгөөд энэ нь тус салбарын хамгийн нэр хүндтэй шагналуудын нэгд тооцогддог. Энэхүү үнэлгээг TripIt® гар утасны аппликейшнтэй хамтран дэлхийн 600 гаруй агаарын тээврийн компанийн нэг сая гаруй нислэгийн зорчигчдоос цуглуулж, хараат бус байдлаар баталгаажуулдаг юм. Аялагч, үйлчлүүлэгчдээс ийнхүү өндөр үнэлгээ авсан нь Korean Air-ийн үйлчилгээний соёл, тасралтгүй шинийг эрэлхийлэх эрмэлзлийг бодитоор батлан харуулж байна.

Энэ жил Korean Air дараах томоохон шагналуудыг мөн хүртээд байна:

• AirlineRatings.com-оос "2025 оны шилдэг агаарын тээврийн компани"
• APEX Best Awards-аас "Зүүн Азийн шилдэг нислэгийн энтертайнмент" шагнал
• Business Traveller сэтгүүлийн "Sky Wine Cellar Awards"-аас Prestige зэрэглэлийн дарсаар үйлчлэх соёлоороо алтан медаль
• Skytrax-аас тав дахь удаагаа "5 одтой агаарын тээврийн компани"-ар үнэлэгдэж, дэлхийн шилдэг агаарын тээврийн компаниудын чансааг тэргүүлсээр байна.

Korean Air ирээдүйд бүхээгийн шинэ бүтээгдэхүүн, үйлчилгээг нэвтрүүлэхээс гадна Сөүл (ICN), Лос-Анжелес (LAX), Нью-Йорк (JFK) зэрэг олон улсын томоохон нисэх онгоцны буудлууд дахь зорчигчдын амрах танхимаа шинэчлэн тохижуулж, үйлчилгээний чанараа улам сайжруулахаар төлөвлөж байна. Мөн Asiana Airlines-тай нэгдэх үйл явцынхаа хүрээнд дэлхий даяарх зорчигчдод илүү өргөн сонголт, чанартай үйлчилгээг хүргэх, өрсөлдөх чадвартай дэлхийн сүлжээг бий болгохыг зорьж байна.

Korean Air компанийн тухай
55 гаруй жилийн түүхтэй Korean Air нь дэлхийн шилдэг 20 агаарын тээврийн компанийн нэг бөгөөд 2024 оны байдлаар 23 сая гаруй зорчигч тээвэрлэжээ. Тус компани нь 161 агаарын хөлөг бүхий орчин үеийн флот, 20,000 гаруй мэргэшсэн ажилтны хамт БНСУ-ын Инчон олон улсын нисэх онгоцны буудлаас таван тивийн 39 улс, 116 хот руу нислэг үйлддэг.

Үйл ажиллагааны өндөр гүйцэтгэл, аюулгүй байдал, зорчигчдод чиглэсэн дээд зэргийн үйлчилгээгээрээ олон улсад танигдсан Korean Air нь SkyTeam агаарын тээврийн холбооны үүсгэн байгуулагч гишүүн юм. Мөн Delta Air Lines-тэй хамтран Номхон далай дамнасан хамгийн том түншлэлийг бий болгосон билээ.