Монгол улсын иргэд Мальдив улс руу визгүй зорчдог болж байна
Монгол, Мальдив хоёр улсын бүх төрлийн гадаад паспорт эзэмшигчид 30 хүртэлх хоногийн хугацаанд харилцан визгүй зорчихоор болсон байна.
Монгол, Мальдив хоёр улсын бүх төрлийн гадаад паспорт эзэмшигчид 30 хүртэлх хоногийн хугацаанд харилцан визгүй зорчихоор болсон байна.
ГХЯ-наас мэдээлснээр 2023 оны наймдугаар сарын 17-ны өдөр Дели хотноо “Дипломат, албан болон энгийн паспорт эзэмшигчдийг визийн шаардлагаас харилцан чөлөөлөх тухай Монгол Улсын Засгийн газар, Бүгд Найрамдах Мальдив улсын Засгийн газар хоорондын хэлэлцээр”-ийг байгуулжээ.
Хэлэлцээрт Монгол Улсаас Бүгд Найрамдах Энэтхэг Улсад суугаа Онц бөгөөд Бүрэн эрхт Элчин сайд Д.Ганболд, Бүгд Найрамдах Мальдив Улсаас Бүгд Найрамдах Энэтхэг Улсад суугаа Онц бөгөөд Бүрэн эрхт Элчин сайд Ибрахим Шахийб нар гарын үсэг зурсан байна.
Визийн шаардлагаас харилцан чөлөөлөх хэлэлцээрийг байгуулснаар хоёр улсын бүх төрлийн паспорт эзэмшигчид 30 хүртэлх хоногийн хугацаанд харилцан визгүй зорчих нөхцөл бүрдэхээс гадна хоёр улсын харилцаа, хамтын ажиллагааг цаашид өргөжүүлэн хөгжүүлэх чухал ач холбогдолтойг онцолжээ.
Хоёр улсын иргэд визгүй зорчих хэлэлцээрт гарын үсэг зурах эрхийг олгох шийдвэр энэ оны нэгдүгээр сард Засгийн газраас гарч гарч байв.
Мальдив улс Энэтхэг болон Шри Ланкийн баруун өмнө талд оршдог. Манай улс Бүгд Найрамдах Мальдив улстай 1985 оны наймдугаар сарын 11-ний өдөр дипломат харилцаа тогтоожээ.
Эх сурвалж [iKon.mn](https://ikon.mn/n/2xqr?fbclid=IwAR3taeK0Vs7usSrLz2D6V20JWGbeQS3YX2vkCZuPGEIcp607jc9NoIQ6HvY)
Холбоотой мэдээ
Airbus-ийн онгоц 23,000 гаруй км зогсолтгүй нисэж, дэлхийн шинэ рекорд тогтоолоо
Австралийн "Qantas" агаарын тээврийн компанид зориулан хөгжүүлж буй "Airbus A350-1000ULR" туршилтын онгоц Мельбурн хотоос Францын Тулуз хүртэл 24 цаг 24 минутын турш нийт 23,075 км замыг зогсолтгүй…
Инчон олон улсын нисэх буудал 1 тэрбум дахь зорчигчоо хүлээн авлаа
2001 онд анх үүдээ нээсэн цагаасаа эхлэн Инчон нисэх буудал нь Ази тивийг дэлхийн бусад тивүүдтэй холбосон стратегийн гол зангилаа (Hub) болон өргөжиж, зорчигч үйлчилгээний чанар, нислэгийн сүлжээ…
Кореан Эйр компани "2026 Cellars in the Sky" уралдаанаас 6 шагнал хүртлээ
Кореан Эйр авиа компани нислэгийн үеэр үйлчилдэг дээд зэрэглэлийн дарсны цуглуулгаараа дэлхийн тавцанд дахин шалгарч, "2026 Cellars in the Sky Awards" (Нислэгийн дарсны олон улсын уралдаан)-аас нийт…