United Airlines Монгол Улс руу анхны нислэгээ хийнэ

🇺🇸✈️ United Airlines компани АНУ-аас Монгол руу шууд нислэг үйлдэж эхэллээ

АНУ-ын агаарын тээврийн томоохон компаниудын нэг болох United Airlines нь 2025 оны 5-р сарын 1-нээс эхлэн Токиогийн Нарита нисэх буудлаар дамжин, АНУ-аас Монгол Улсын Улаанбаатар хот руу шууд нислэг үйлдэж эхэллээ.

Энэхүү хуваарьт нислэг долоо хоногт гурван удаа Boeing 737-800 агаарын хөлгөөр үйлдэгдэх бөгөөд нийт 166 суудалтай (16 бизнес, 150 эдийн засгийн зэрэглэлтэй) юм. Ингэснээр United Airlines нь Монгол Улс руу тогтмол нислэг үйлдэж эхэлсэн Америкийн анхны бөгөөд цорын ганц авиа компани болж байна.

✈️ Нислэгийн дэлгэрэнгүй мэдээлэл:

Маршрут: Токио Нарита (NRT) ↔ Улаанбаатар (UBN)

Нислэгийн давтамж: Долоо хоногт 3 удаа (Лхагва, Баасан, Ням гарагуудад)

Нислэгийн хугацаа: 2025 оны 5-р сарын 1-нээс 10-р сарын 12 хүртэл улирлын чанартай

Энэхүү шинэ нислэгийн чиглэл нь АНУ-ын Денвер, Хьюстон, Лос Анжелес, Ньюарк, Сан Франциско зэрэг томоохон хотуудаас Монгол руу аялах боломжийг хялбаршуулж, аяллын хугацааг богиносгож байгаагаараа онцлог юм.

Монгол Улсын аялал жуулчлалын салбар эрчимтэй хөгжиж, олон улсын жуулчдын сонирхлыг татах болсон энэ үед энэхүү нислэг нь хоёр орны аялал жуулчлал, бизнесийн харилцааг өргөжүүлэх чухал алхам болно гэдэгт итгэлтэй байна.

🎟️ Тийзийн захиалга

Тийзийн захиалгыг airlink.mn болон 1800-1818 утсаар дамжуулан хийлгэх боломжтой.